As git meeega viu Neus z Brichte

eines düsteren abends, als ich zu Bett gieng, machte ich den Computer aus, und er erwachte nimmer mehr... :( aber ja jitz hani a nüa u cha gaaanz a huufe Brichte!

Wooyung Beach

Olé wir fahrn in die Ferien, zumne Fixe Camper öppe 2-3 Stunn vo üsem Huus entfärnd, in NWS.
das isch super gsi dert unne, 2 minute hetme ka z Fuess bis zumne endlos schiinend lenga strand, wo ifach genau öppe 5 lüt umenann ghanget sin, z Meer isch herrlich gsi, chli früsch und herrlich nass :) het grad guet ta, wüu isch rächt heiss gsi solang d sunne gschune het, nai ide nacht hetme auso scho tou müesse alege, wüu di früschi mehresbriise übere Campingplatz gwäit het...
mir hei a huufe Mobilées pastlet, mit Muschle u Tribhouz u Fischerleine, wommer imne Fischerlade im ca 10min entfärnte dörfli gsi isch. I ha de Fischerwahrenhandlervercheufer gfragt, obme hie igendlich a lizänz bruchi fürs fische, u är het gseit, as chemi druf ab, wie gross wo d fische sigi, und wie viu wome tägi fische... s finneni no krass, ma muess doch wüsse wime di arme Tier churz u ohni quale tötet, stadt ifach la z ersticke oder öppe anders no z quäle.
mir hei a paar spaziergäng gmacht a disem erwähnte fasch Privat strand, u mir hei a huufe sache gfunne, a ustrochneta Toadfisch (Froschfisch) Froschfische leben in Tiefen von zehn bis 250 Metern auf Sand- oder Schlammböden, nur wenige Arten in Riffen. Sie sind sehr träge und ernähren sich als Lauerjäger von Krebstieren, Fischen, Tintenfischen und Schnecken. Die Fische betreiben Brutpflege und beide Eltern oder die Männchen bewachen ihre in Höhlen gelegten Eier. Nach etwa drei Wochen schlüpfen die Kaulquappen ähnelnden Fischlarven. Froschfische können beißen, wenn Taucher sie anfassen.
und a huuufe Jellyfishes (Qualle) Die meisten Quallen haben lange Tentakel, welche herannwachsen, im Erwachsenenalter sind diese mit Nesselzellen ausgestattet. Kommt es zu einer Berührung am Cnidocil (einem Fortsatz der Nesselzellen), platzt die Nesselkapsel im Innern der Nesselzelle mit einem Druck von 150 bar auf und stülpt einen Nesselfaden nach außen, der gleichzeitig das in der Nesselkapsel enthaltene, lähmende Gift abgibt. Nachdem die Qualle auf diese Weise ihr Gift verbreitet hat, werden die Nesselkapseln abgestoßen und neue gebildet. wommer grettet hei u umi zrug iz Wasser keit hei, ha aber no schweinn ka woni ihna mit so brune fläcke iz wasser keit ha hani gseh das dä cheib scho stings ka het auso so art Stachle...
amne abe simmer no go Crab huntere, meinegüüte isch das lustig gsi, a strand go chrebsleni sueche mite taschelampe, und ufd hann näh, isch no kuhl gsi, sona chrebs uf de hann z ha, dä woni ka ha, het mi gärn ka, är het mi zwar nid zwickt aber är isch onid grad ifach so deva gsecklet :)

Tagesausflug nach Byron Bay
dies war bis jetzt mein bester Tag!!!
am morge simmer früech ufgstanne, für d hünn inas Petresort z tue, dasmer chli freier si mit däne sache wommer mache, nai simmer ufe Hightway richtig Sydney, öppe a haubstunn heimer ka, nai simmer vorem Dörfli Byronbay gsi, u hei fangs mau gwartet, wüus gstouuet het... as füehrt nume i strass iz dörfli ine, wüus ufeme arm, oder fuess oder wieme däm o immer seit, as stücki land wo iz mehr ragt ufbouue isch.
wommer si acho, heisimer de lüchturm welle zige, simmer wui gfahre zu däm lüchturm... leider hettes kenner parkplätz frei ka, simmer auso umi zrug iz dörfli, dert simmer chli ide lädeleni ume gheicht u zwüsche düür heimer immer so chli gsnäcklet :)
wemmer de z dürheim welle hei, simmer glich nomau go guge ob a parkplatz frei isch, leider schommi kena gsi, auso simmer umi z dürai gfahre, a blätz witter unne heimer de schlussentlich glich a parkplatz gfunne... :) i ha mite chinn as wettrenne gmacht, wär aus erst dobe bim lüchturm achund, isch a gueta u schöna fuesswäg gsi, u ma het herrlich id bucht ai gseh.
dobe acho, heimer nai realisiert, das unne ide bucht wahle si gsi, u däne heimer as wiili zuegugget, isch no idrücklich gsi, di müesse äwä hungrig gsi si, wesi so noch ad fäuse chäh... uf jedefau chundme weme am fuesswägli witer luuft a most eastern point of Australian mainland, ha u dert bini gsi :)
mir hei no chli de Wale zuegugget nai simmer richtig Caravan gfahre. bimne Takeaway himernis somes Spagetthis ghout u heise am Caravan gässe.
am nächste tag simmer nai iz Pub go ässe, i ha Pumkin Spinat ravioli ka, auso Kürbis, isch no fein gsi, u ha chli Baramundi becho z brobiere vo mire Gastmuetter, a Australischa Fisch, riiise fein!

Zurück in Samford
as het sich usegsteut das mi laptop definitive kaput gsi isch u nid nume eppis het müesse igsteut wärde, öppis am strom dings, är het ke strom meh chenne ufnäh oder abgäh, has onid würklich verstanne was di Frou vo däm Computer center gmeint het, aber i ha de priiis verstanne, 350 AUD hättesi verlangt fürne z flicke, u ja as isch immer hin a rächt auta laptop gsi 3-4 Jahr hetter ufem buckel, u nai hani beschlosse mir fürd differenz vo 300 AUD a nüa z poste. u Tadaaa i cha umi internettle, devor hetteni o chenne, aber ischmer pindlich ständig d chinn azhoue füre Laptop oder ständig ines Internetcaffe gieng o ufs gäud!
i ha nai agfange mit mine Englisch stunde, de Nachbarins eutere si beides Pensionierti Lehrer, u si heisich berreit erklärt de Olivia (nannie vode Nachbare) u mir unterricht z gäh, so hei mir beidi Privatstunde, mau guge wie das use chund. :) as isch uf jedefau lustig, i ha de humor vode Aussies no gär... :)
witteri sache woni erfahre han si das Australier tüürers wasser hei aus ide schwiz, u weme z viu brucht chuntme i konflikt mite Behörde auso mite Gmeind. das ligt da dra, das Australie weenig grundwasser het, sauzwasser isch kes problem aber ufbereitig vo sauzwasser isch tüür u zjitufwändig.
letst wucheend hani tou heimweh ka, d Musiggseuschaft Santoni het as herbstfest gmacht alässlich vo de Veteranetagig wo bi üs gsi isch. U vorallem bini chrank gsi, da hani no ihnisch meh zjit für a deheime z deiche.
Meisten hani wenig bis garke zjit a deheime z deiche aber weme mit Fieber im bett u 35 grad(ussetemperatur) im bett ligt hetme massewiis zjit a deheime z deiche, vorallem weme ke computer het für de lüt z schribe, ha a huuufe deheim aglüttet.
de Oliviasfründ isch i däre wuche acho, u minner gasteutere hei ihresse familie plus ihn iglade, de nachbar het drum no geburtstag ka. u ja de simmer dinne ghocket u hi gjasset, das het o as vermisse hervorbracht.
bevorder inträsse verlieret a mim gjammer, wettenech no säge dasder a gueti leistig voubracht heit weder de ganz text gläse heit, aber isch immerhin o a langi zjit gsi wo mi pc kaput gsi isch...

cheers Sandra