First week in Down under

oh lala was ha de i da im letschte blog zäme gstusset, bi rächt ufem hunn gsi nach de lenge reis u glich nid wettemi hie mau entschuldige, o sorry wetteni säge dasi no kenner fötteli druf ta ha vo hie.. ha no fasch kenner föttli gmacht fangs vo aune tierleni :)
mie hei a huufe tier hie u das finneni mega kuhl

mir hei 2 Esle, 3 Hünn, 1 Chatz, 6 Hüehner, und 2 fische.
so fasch wine chlini farm :) guet nid würklich z hus isch o kuhl, u i ha a klimaanlag im zümmer wome mitere im winter o cha heize, mir hei im moment winter, tags dür isches hölle heiss u troche u ir nacht wirds aube arsch chaut brrrr...
weni bi acho isch a u hitz gsi, nai bini dürs hus glüffe u ha gseh dasi ide chinderzimmer öfeli ine ta hei, i ha deicht, meine güte di chinn bruche öfeleni, u es isch sooo heiss??? aber nai heisimer äbe erklärt, dases würklich chaud wird über d nacht u dases ersch öppe sit ere haube wuche so warm sig, u äbe jitz o.

i bi ächt gspannt wasmer am wuchenend mache, d chinn hei scho gfragt obi wüssi wieme a züpfa bachi, si liebe züpfa, nai hani gsit mir tägi ihni bache am wucheend, aber i wiis no nid genau wenn

d chinn gäh ufna privat schuu, mit eppa 500 chinn, u das vor preeschool (chindergarte spiugruppe) bis zur 7. klass, u das isch a chlini schu? :S
si hei as obligatorium hie a aune schuele, si müesse Hüet anne ha, schüsch dörfe si ir pousa nid spile, finneni o guet so wüu d sunna brätlet würklich heftig tags dür.

hehe dä mitem liks fahre, isch sona sach. es isch zwar zümlich schnäu gange bi mir, aber as brucht hölle konzentration bisme merkt, emu weme vomene parkfäud usa fahrt, dasme sötti liks fahre :D aber äbe mitlerwile geids tou guet.

meeine güte am 2. abe isch öppis blöds passiert, alli wo das jitz läse wärde deiche isch ja typisch, aber isches äbe igendlichnid... i bi nid sooo !
i ha z eutera modi i tanzstunde gfüehrt, nai hanimi ufem rückwäg verfahre, hie hani bös mit mir orientiere, obi uf de richtige strass bi, wüu i irgendwie wiis onid, i finne hie gseht aus so ähnlich us... eh ja item uf jedefau woni gmerkt ha i hami so zümlich deftig verfahre, so um 15min , bini anere uswich steu mitz imna bärgli usgstige für chli früschi luft z tanke uz überle woni bi fautsch gfahre usser däm hani i dringenst uf z WC müesse auso hani no gschnäu bislet, ha z täschli mit usa gno u ufe cofferum techu da, nai überlegeni nüd, stige iz outo i, u fahre him, uf de heufti vom richtige rückwäg hani gschwünn as naselümpli wele fürmer d träne z putze, i bi inas huere züg ii cho wüu i mi verfahre ha... u i äbe tou z spaat bi gsi für z ässe und so, ha mir sorge gmacht, nai hanis niene gfunne bi nomau ufere sonere uswich steu aghaute panne blinker ih uz täschli gsuet, ha natürlich o wele alüte, aber nai hanis niena gfunne u nume so überliit wo hani de jitz das häre ta, ooohhhh nei!!! klar isch das ufem cofferum gsi woni bi abfahre, i bi no lider iz züg ih cho, bi nomau usgstige ha tüüüüf düre gschnuufet u bi nai him gfahre, es gschünn go säge äbe dasimi verfahre ha u alles nai bini nomau zrug gfahre u ha gsuecht u gsuecht, i ha aus dinne ka! i däm doofe täschli, natel, kamera, Pormonais mit allem bargäud woni ha mitgno, kredit chartene ect... nai bini nomau him, u de gast vater isch nai nomaumitmer cho, cho guge aber as isch o niena uma gsi, gott sei dank hani de pass din dinne ka!! schüsch wäri hölle am **** gsi!
nai simmers haut go amäude, äbe wägem täschli... u scho am nächste tag heisi aglüte, u gseit äbe si heigi z täschli gfunne as heigs epper abgäh am polizeiposte, i ha sooo freud ka, bis go abhole, u stellednech vor, as isch no aus dinne gsi würklich alles sogar z bargäud u z besta isch gsi as het sogar a maa abgäh, sorry nüd gäge euers gschlächt, aber ihr verstaht nid wie wichtig das as täschli fürna frou isch, vorallem we aus dinne isch wome brucht fürs läbe im ussland... :S aber isch emu super, däm gani de mau a fläscha wii go verbi bringe u sägemu merci viu mau.

so das isch meh oder weniger di neuste neuigkeite gsi... ah ja hinacht hets Züri gschnätzlets gäh :D

Cya

Edinburgh - Genf - Heitenried - Zürich - Dubai - Brisbane

Hallo zäme!
sodeli am Samstig simmer guet vo edinburgh heim cho, vierstun deheim chli gsi fertig packt und ab ischs los gange uf Zürich, mis schwöschterli het leider nid mit wele a flughafe, aber wär chasera verüble, wesi a ganzi wucha näbema schnarchenda bär het müesse lige u nai no so früech uf, u de fründ so lang nümme gseh.. :) nei isch vou isi, minner eutere hei ihnes Auto inas 15min parkfäud ih parkiert u si bis zum schluss glich eppa a stunn mit mir umenann gschuenet am flughafe.
nümmtmi scho wunder wüfüu puess asi dörfe zahle
ach i bi scho grad chli entüscht gsi, wosi näme usgrüeft hei u mina isch nid debi gsi, si hei d ecoklass überbuechet ka, u die hinder mir het füre dörfe id bizz. eh ja haub so wüud. mir si mit verspätig abgfloge u dür das hani nai z dubei nid soo lang müesse ufe ander flüger warte.
ässe und so isch auz hölle fein gsi würklich i ha gstunet.

de Flug vo Dubai to Brisbain isch hingäge fasch lehr gsi
as riise flugzüg u jeda passagier ir eco het eppa 3-4 sitze zur verfüegig ghäbe, ma het auso zümlich guet chenne schlafe, negative isch gsi, dasme z food nümme het chenne ässe, isch aus so komisch gsi haut ifach ifach.

am morge bi öich isch abe am haubi vieri am morge hie haubi sübni am morge bini guet acho, d Olivia as modi wo näbe drann as aupair macht isch mi cho reiche, u nai himernis no im heimwäg girrt eh ja sachen gibts,

d chinn si ir schuel gsi, u i ha de ganz tag zjit ka z mache u mi izrichte wiesmer passt. das isch no gäbig, emu nach so lenger reise zjit.

Jetzt gehts los

soodeli so no chli di sache wo si passiert ir lötschte wuche

am donnstig bini mit as paar kolleginne wo am 8. nid hi chenne cho is ga zie, u derna hi a tüu va üs no as fondue treit u beschlosse mir gange jitz haut glich no i tag ufe gampel am samstig

am fritig ischmer am namitag i sinn cho, ou sötti doch no impfige ga mache, nai hani mau am dockter aglüte u dä het gottseidank no churzfristig zjit ka für mir z impfe kinderlähmung und hepatitis a+b...

am samstig simmer a gampel, u i ha hölle fröid ka :) aber äbe, as het üs grilliert di cheibe sunna het vougas gäh u mini schwo het a sunnestich ghäbe uni mörderischs chopfweh, nai as dafalgan u d wäut het 2 stunn speter umi tip top usgseh. ha as paar Schuu kollege va zürich troffe und es het as chlinners klassefest gäh :D isch würklich witzig gsi...

am sunntig simmer nai him, u i bi so ufem hund gsi, i ha fieber becho, u ifach gliderschmärze... SCHWEINE GRIPPE???? neneei, d sändi het natürlich d impfige nid möge verlide... so isch mis ragletiermit mir o usgfaue, Sarah wedu das lisisch as tuet mir hölle leid hani dirs nid gsit dases nid stadt finnd, u i dis sms nid gläse ha bi hölle KO gsi, aber du hettischmi deich scho chenne cho wecke, ha de ganz sunntig meh oder weniger ifach deheim verpennt.

u hüt gites ab nach Schottland mit immer no fieber, aber as chund de scho guet, hoffeni amau....

bis zum nächste post

Ein unvergesslicher Abend

Hallo Zäme

Aune as riise grosses merci, wo sich gschwünn de zjit gno hei am 8. August verbi z cho. O bedanke wetteni mir für di Zauriche chärtli mit Glückwünsch, Facebook nachrichte und Posts :)

as isch wunder schön gsi, leider hani nid für alli hölle füu zjit chenne näh wüu sooo viu lüt verbi cho sin, hetti nid deicht das schlussentlich eppa 80 oder no meh lüt verbi chäme, hetti eppa mit 60 people grächnet, :) s bier het grad knapp glängt, u de Rota isch o aus truche gsi...
d stimmig isch hölle usgliche u ruhig gsi, aber o lustig gsi.
Mini chlini Schwester Corinne u a kolleg de Chnoche hei sich as super spüu usdeicht, di wo hei welle hei as zeddeli chenne zieh uf däne zeddeli wo iglöst si cho isch vollgendes druffe gstanne:

-Sandra die Zähne putzen
-Sandra frisieren
-Sandra eine Australische kriegsbemalung verpassen (vomne maa chasich ja jeda vorstelle wie das cho isch)
-Sandra ein Gedicht vortragen
-Sandra ein Australisches Theater vortragen
-Mit Sandra Englisch sprechen
-Sandra eine Kette basteln (am Metzgermax va hiteried as merci daser d Blueme gsponseret het :)
-Sandra einen Blumenstrauss pflücken (as weri nid deicht gsi das de Joël am Pfarrers garte git ga ruume aber merci glich, är isch meega schön gsi)
- Australische musik machen für Sandra (da habe ich am meisten gestaund was sie hier hergebracht haben.)
-Sandra ein Lied vorsingen (war sogar eine Tanzeilage dabei)
-Sandra z Totenmüggerli vorlesen
-Sandra einen Liebesbrief schreiben
-Sandra einen Abschieds brief schreiben
-Sandra ein Bild Mahlen :)
-Sandra 10 Regenwürmer bringen (wurden Schnecken draus)
-Sandra einen Hut basteln (waren die Schnecken drauf)
-Sandra eine Umarmung schenken
-Sandra einen Kuss auf die Backe geben
-Sandra eine Australische flagge zeichnen
falls ich einige Zettel vergessen habe tut es mir leid.

Ich danke auch denjenigen die Salate gemacht und feine Züpfen gebacken und desserts mittgebracht haben:

Myriam Nösberger -Brownys, Kartoffelsalat
Laurent Achermann und Corinne Gasser - Zitronencake, Tiramisu
Käser Andra und Erwin -Gugelhopf
Werro Sarah - Kuchen
Riedo Fabienne -Kuchen und Züpfe
Julia Schärli - Mönsternüdeli Salat
Käser Sandra -Cake
Familie Ellenberger - Süssmost
Familie Zahno - Züpfe und Grüner Salat
Doris Schärli und Christian Vögeli - Kugelgasgrill, Zwetschgen
bitte meldet euch wenn was vergessen gegangen ist oder fehler unterlaufen sind, so werde ich es korrigieren.

merci füu mau wirdenuch vermisse bis zum nächste itrag ;)